வரும் மார்ச் 31க்குப் பிறகு, 2005க்கு முன் வெளியிடப்பட்ட அனைத்து உரூபாய் தாள்களையும் ரிசர்வ் வங்கி திரும்பப் பெறுகிறது. கறுப்புப்பணம், கள்ள நோட்டுகளை கட்டுக்குள் கொண்டுவர ரிசர்வ் வங்கி இந்த அதிரடி நடவடிக்கையை எடுக்க முடிவு செய்துள்ளது.
இதன் படி இந்த உரூபாய் தாள்களை வரும் ஏப்ரல் 1-ம்
தேதியிலிருந்து வங்கிகளில் கொடுத்து பொதுமக்கள் மாற்றிக் கொள்ளலாம். மறு
அறிவிப்பு வரும் வரை இந்த வசதி தொடரும் என ரிசர்வ் வங்கி புதன்கிழமை
வெளியிட்ட அறிக்கையில் தெரிவிக்கப்பட்டுள்ளது. 2005க்கு முன் வெளியான உரூபாய் தாள்களின் பின்பக்கத்தில் அச்சடிக்கப்பட்ட ஆண்டு விவரம் இருக்காது.
2005க்குப்
பிறகு வெளியிடப்பட்ட உரூபாய் தாள்களின் பின்பக்கத்தில் கீழ்பகுதியின் நடுவில்
சிறிய வடிவில் கண்ணுக்குத் தெரியும்படி அச்சிடப்பட்ட ஆண்டின் விவரம்
இருக்கும். இதை வைத்து அந்த உரூபாய் தாள்களை எளிதில் அடையாளம் காண முடியும்
என்றும் இத்ற்க்கு பொதுமக்கள் முழு ஒத்துழைப்பு தரவேண்டும் என்றும் ரிசர்வ் வங்கி கேட்டுக்
கொண்டுள்ளது.
No comments:
Post a Comment